“Bahaya ne bahaya! Yan kene unduke bahaya!”, keto iBaglur goar-goar sing karuan di bale banjar risedek ngarap ogoh-ogoh.
“Nak kenape Glur? Dadi cai jeg gawat sajan!? Aengan ken kepung lahar panes gunung agung cai!”, iJoblar mesaut penasaran.
“Aruh! Bahaya ne Blar! Ne cingak beritane, jeg bocor kone data KKne, ade nak beler ngangon data nak len naftarang nomer HP. Bahaya ne!”, iBaglur nyangetang care nak paling.
“Beh, bahaya kenken se to Glur? Jujur ne awake sing ngerti ape ne cai omongang. Adi jeg sajaan gawat gati, aengan ken iGita tunangan caine pelaibang anak deen", Bape Koder milu nyekenang.
“Aruhhh... Kene ne Bape, jani kan nak ngelah nomer hape harus daftarang kone ngangon nomer KK jak nomer KTP. Ne jani beritane ade kone nomer KK jak KTPne ye ceke adi nomer hape nak len ngangon. Kan bahaya ne, yan sampe ade teroris ngangon data irage kayang irage bareng kena kasus”, iBaglur nyelasang ken Bape Koder.
“mih, yan keto sajaan bahaya ne Glur. Cang masi nak be medaftar, takut cang meblokir nomere. Men cen cobak cang ningalin beritane", iJoblar milu maca berita di Hape Oppone Baglur.
“meh, Bape sing be ngerti ne keto-keto. Jumah Bape ngelah Hape tuah angon nerima-nerima telpon uli cewek simpenan Bapane deen, jeg sing ngerti be ken unduk ne oraang cai Glur", Bape Koder.
“Enden cobak penekang biin Glur, nah to adi aneh beritane ne Lur? Kone satu NIK dadi angon telung nomer gen, ne adi bise ade kanti seket nomer kone ye ceke", iJoblar bingung.
“yee... Sajaan Glur ow, kenken je ne", iBaglur bareng bingung.
“Mih, sing hoax beritane ne. Jani nak liu ngae berita hoax ngalih sensasi, ngae jejeh masyarakat. Tapi yan seken saje beritane ne bahaya Glur. Berarti pemerintahe be sing becus, nunden medaftar ngoraang jaga rahasia tapi bocor kene, kone satu NIK ngidaang telung nomer gen, ne jeg kanti seket", iJoblar kipak kipek sing percaya.
Lantas Pak Kadus teka
“ade ape ne adi uli diwang dingeh rame sajaan, nuturang jandane Wayan Geruh ow?", Pak Kadus
“meh pak kadus baang janda jeg dokok deen. Ne Pak Kadus ade berita bahaya ne pak", iBaglur ngenjuhang Hape Oppone ke Pak Kadus.
“sajaan je beritane to pak? Jeg jejeh bane tiang ne”, iJoblar nimpalin.
Pak Kadus seleg mace beritane.
“Mih, seken ken singne Bapak konden nawang. Care jani nak liu berita hoax masih. Nah kal cobak Bapak mani nakonang di kantor. Tapi angon jaga-jaga cobak jani cek nomere, to tuutin carane ane di beritane. Jani nak sajaan gumine aluh-aluh keweh. Dot ngae melah bisa dadi benyah. Nah jani melah-melahang ngabe data identitas. De angone gaya-gayaan mare KK baru poto terus upload di facebook. Ne biin iBaglur, de ngawag-ngawag masi ngemaang data jak anak. Apa buin ngawag ngutang kertas misi data pribadi. Mare suud nyemak BLT sisan foto copy KTPne jeg asal entungang di halaman kantor camate", Pak Kadus mapitutur.
“beh sajaan je bakat ngawagin ipidan ngutang. Hehehe... Jani suud be keto. To iJoblar ane demen update to, dmen gati eksis ye mare maan E-KTP baru jeg be cekrek upload pamer di SOSMED", iBaglur nujuang iJoblar
“meh cai Glur, maan deen ngalih timpal ajak pelih. Men yan ngalih kreditan kenkenang Pak? Nak tagiine masih foto copy KK”, iJoblar metakon ke Pak Kadus
“beh sajaan masi, Bapak masi demen ngalih kreditan, tagiine foto copy KK ken KTP. Ne mare puan Bapak ngalih kreditan angon meliang Bu Laila hape oppo terbaru ane cedang angon meselfiean", Pak Kadus.
“nyen to Bu Laila pak?”, iBaglur jak iJoblar
“beh cai jak dadue kepo deen. Nah mai kisi-kisine je, tapi de bocor kemu mai bungut cai jak dadua nah. Laila to cewek kafene bedelod ane di pengkolan. Ane semok to", pak kadus kisi-kisi.
“Owh... Kaden nak ane ngabe basoka di Mobile Legends pak. Hehehe", iBaglur.
----------------------------------------------------------------------
Sumber berita :
Tidak ada komentar:
Posting Komentar